ويحك يامسكين... =بقلمي=

مدير عدد المساهمات : 856 تاريخ التسجيل : 16/01/2012

ويحك يامسكين عندك لا تغفل----عايش بالاوهام والو ما يكفيك
عندك لا تغرك اصبر واتماهل----و اسحذر بلاك ذ الدنيا تلهيك

لاتكونش مغرور تبعها تحصل----تفتح لك لبواب ثم تلعب بيك
ياما غرت ناس مثلك من لول----تستهزى و تقول ذ المرة يزيك

كل مرة تحلى و اتزيد اتعسل----من هذي بركاك تحصل لوذانيك
خوذ رايي خليك منها واسعقل----لا يتلف رايك و تهرب واتخليك

حذرنا منها المولى لا تستعجل----أقرا فالتنزيل هاهو بين ايديك
أزهد في دنياك عنها لا تسأل----الرزق اللي كاتبو لك راه يجيك

المومن كيس فيها كي يعول----لا تطلق روحك ليها و اتنسيك
لايغرك صغرك و يطول الأمل----وراها منعولة عن مولانا تلهيك

لا تنسى حظك منها كي اتعول----لا طول فيها و تحلى في عينيك
ها!.. واياك أدير عنها تتبدل----ساعة تفرح لك و اسوايع اتبكيك

أتهلى في الدين واثبت لاتجهل----ديرو راس المال تجارتو تغنيك
طيع الوالدين ذاك الخير اكمل----وياسعدك الا ارضاو عنك والديك

أخدمهم بنيتك و عنهم لاتغفل----و الغلة تحصد حسكة و لا فريك
كذا من عالم غراتو و اجهل----انسى علم الحق و غضب الماليك

كذا من سلطان اتعلا و انزل----أسأل فالتاريخ و الزمان ايحاكيك
وكم من صحيح اتقوى واهزل----خذ عبرة للي هو مغرور اتوريك

وكم من رايس من حكمو تعزل----تتبدل عنوالحالة!... الله لايبليك
يا من راه!.. حي قلبك اتماهل----لاتتسرع شوف وين تحط رجليك

لا تصاعر للناس و ليهم تتذلل----مولا همة كون و خصلات اتحليك
العرق الطيب ريحتو زينة بالفل----وين ما تمشي الريحة اتبع فيك

ويلا راه عطرك زقوم و حنظل----لا من يسأل عنك و يقرب ليك
نسأل مولانا في دعوتنا تقبل----أهدينا و اهدي العاصي يا ماليك

بجاه الأنبياء و المصطفى لفحل----تغفرذنوبي وكل من هو عاصيك
سهل لي يا ربي البيتك نوصل----هون في لسباب حاجة ما تخفيك

» تـــعــــال // بقلمي
» عودة الأمل،،بقلمي
» يارفيق دربي..بقلمي..
» أعزايا في فرحك // بقلمي
» صلاة للعشق .. بقلمي